Jordar pavsacha andaz ; पुढील 4 तासात या जिल्ह्यात जोरदार पा

Jordar pavsacha andaz ; पुढील 4 तासात या जिल्ह्यात जोरदार पावसाचा ईशारा हवामान विभाग.

Jordar pavsacha andaz ; महाराष्ट्राच्या बहुतांश भागातून मॉन्सून परतला असला तरी, राज्यात पुन्हा पावसासाठी अनुकूल हवामान तयार झाले आहे. उन्हाचा चटका कायम असताना, हवामान विभागाने पुढील तीन ते चार तासांत काही जिल्ह्यांमध्ये विजांच्या कडकडाटासह पावसाचा अंदाज वर्तवला आहे.

आजचा हवामान अंदाज

आज कोकण, मध्य महाराष्ट्र आणि मराठवाड्यात विजांसह पावसाची शक्यता आहे.

जोरदार पावसाचा अंदाज असलेले जिल्हे: कोकणातील रत्नागिरी, सिंधुदुर्ग; मध्य महाराष्ट्रातील अहिल्यानगर, पुणे, कोल्हापूर, सातारा, सांगली; आणि मराठवाड्यातील छत्रपती संभाजीनगर, जालना, परभणी, बीड, हिंगोली, नांदेड, लातूर, धाराशिव. तुरळक ठिकाणी हलक्या सरी पडण्याची शक्यता: ठाणे, रायगड, जळगाव, नाशिक. राज्याच्या उर्वरित भागात मात्र कोरडे हवामान राहून उन्हाचा चटका कायम राहील.

गुरुवारचा हवामान अंदाज

गुरुवारीदेखील काही जिल्ह्यांमध्ये पावसाचा अंदाज कायम आहे.

विजांसह पावसाचा अंदाज असलेले जिल्हे: कोकणातील सिंधुदुर्ग, रायगड; मध्य महाराष्ट्रातील धुळे, जळगाव, नाशिक, अहिल्यानगर, पुणे, सातारा; आणि मराठवाड्यातील छत्रपती संभाजीनगर, जालना, बीड, लातूर, धाराशिव तुरळक ठिकाणी पावसाची शक्यता असलेले जिल्हे: नांदेड, हिंगोली, परभणी, सोलापूर, सांगली, कोल्हापूर, नंदुरबार, मुंबई, ठाणे आणि पालघर.

शुक्रवारचा हवामान अंदाज

शुक्रवारी पालघर आणि नाशिक जिल्ह्यांत विजांसह पावसाचा इशारा देण्यात आला आहे. याव्यतिरिक्त, ठाणे, मुंबई, रायगड, सिंधुदुर्ग, रत्नागिरी, धुळे, नंदुरबार, जळगाव, अहिल्यानगर, पुणे, कोल्हापूर, सातारा, सांगली, सोलापूर, छत्रपती संभाजीनगर, जालना, परभणी, बीड, हिंगोली, नांदेड, लातूर, धाराशिव या जिल्ह्यांमध्ये तुरळक ठिकाणी हलक्या सरींची शक्यता आहे.

मॉन्सून माघारीची स्थिती

पुढील २४ तासांत मॉन्सून संपूर्ण देशातून माघार घेण्याची शक्यता आहे. सध्या मॉन्सूनच्या परतीची सीमा कारवार, कलबुर्गी, निजामाबाद, कांकेर, चांदबली दरम्यान आहे. नैऋत्य बंगालच्या उपसागरातील चक्राकार वाऱ्याची स्थिती कोमोरीन भागाकडे सरकत असल्याने लक्षद्वीप, केरळ, दक्षिण कर्नाटकच्या किनाऱ्यालगत रविवारपर्यंत कमी दाबाचे क्षेत्र तयार होण्याचे संकेत आहेत, ज्यामुळे पावसासाठी पोषक वातावरण निर्माण झाले आहे.