घरकुल योजना २०२५-२६ ; नवीन यादी मोबाईलवर पाहण्याची सोपी पद्ध

घरकुल योजना २०२५-२६ ; नवीन यादी मोबाईलवर पाहण्याची सोपी पद्धत.

प्रधानमंत्री आवास योजना (ग्रामीण) अंतर्गत २०२५-२६ या आर्थिक वर्षासाठी मंजूर झालेल्या घरकुल लाभार्थ्यांची अद्ययावत यादी आता ऑनलाईन उपलब्ध झाली आहे. या यादीमुळे तुम्ही तुमच्या ग्रामपंचायत क्षेत्रातील किती नवीन लाभार्थी आहेत, त्यांना मिळालेल्या हप्त्याची रक्कम किती आहे आणि किती रक्कम मिळणे बाकी आहे, या सर्व तपशिलांची माहिती घरबसल्या तुमच्या मोबाईलवर अगदी सहजपणे तपासू शकता.

अधिकृत संकेतस्थळाला भेट द्या:

ही यादी पाहण्यासाठी तुम्हाला केंद्र सरकारच्या अधिकृत पोर्टलवर जावे लागेल. सर्वप्रथम, Google मध्ये pmayg.nic.in असे सर्च करा आणि ‘प्रधानमंत्री आवास योजना (ग्रामीण)’ चे अधिकृत संकेतस्थळ उघडा.

यादी पाहण्याची प्रक्रिया (स्टेप बाय स्टेप):

पोर्टल उघडल्यानंतर, यादी पाहण्यासाठी तुम्हाला काही विशिष्ट पायऱ्यांचा अवलंब करावा लागेल:

1. संकेतस्थळाच्या मुख्य पानावर, तुमच्या मोबाईलच्या उजव्या बाजूला असलेल्या तीन आडव्या रेषांवर (मेनू) क्लिक करा.
2. दिसणाऱ्या पर्यायांमध्ये ‘Awaassoft’ हा पर्याय निवडा.
3. ‘Awaassoft’ वर क्लिक केल्यावर, पुढील उप-पर्यायांमध्ये ‘Report’ (अहवाल) नावाचा विभाग दिसेल, त्यावर क्लिक करा.
4. आता उघडणाऱ्या नवीन पृष्ठावर खाली स्क्रोल करा. खालून दुसऱ्या क्रमांकावर असलेल्या ‘Social Audit Report’ या शीर्षकाखालील एकमेव पर्याय ‘Beneficiary Details for Verification’ (घरकुल मंजूर यादी पाहण्यासाठी महत्त्वाचा) यावर क्लिक करा.

यादी फिल्टर करून तपशील तपासा:

पुढील पानावर तुम्हाला यादी फिल्टर करण्यासाठी आवश्यक माहिती भरावी लागेल.

1. यामध्ये तुमचे राज्य, जिल्हा, तालुका आणि ग्रामपंचायत निवडा.
2. सर्वात महत्त्वाचा टप्पा म्हणजे ‘आर्थिक वर्ष’ निवडणे, ज्यामध्ये तुम्हाला २०२५-२६ हा पर्याय निवडायचा आहे.
3. ‘योजनेच्या नावात’ तुम्ही अर्ज केलेली योजना, उदा. प्रधानमंत्री आवास योजना ग्रामीण किंवा रमाई आवास योजना, यापैकी योग्य पर्याय निवडा.
4. सर्व माहिती भरल्यानंतर, खाली दिलेल्या रकान्यातील कॅप्चा (बेरीज किंवा वजाबाकीचे उत्तर) योग्यरित्या भरा आणि ‘Submit’ बटनावर क्लिक करा.

यादी डाउनलोड करा:

‘Submit’ केल्यानंतर, तुमच्या ग्रामपंचायतची २०२५-२६ ची मंजूर लाभार्थ्यांची यादी तुमच्या स्क्रीनवर दिसेल. ही यादी तुम्ही ‘Download PDF’ या पर्यायावर क्लिक करून तुमच्या मोबाईलमध्ये डाऊनलोड करू शकता आणि मंजूर लाभार्थ्यांची नावे तसेच हप्त्याचे संपूर्ण तपशील तपासू शकता. ही यादी प्रधानमंत्री आवास योजनेअंतर्गत मंजूर झालेल्या लाभार्थ्यांची अंतिम यादी असते.

ताज्या बातम्या

मोन्था चक्रीवादळ किनाऱ्यावर धडकले ; राज्यात पुढील ४८ तास पावसाचा परिणाम मछिंद्र बांगर.