माझी लाडकी बहीण योजनेची ई-केवायसी (e-KYC) करण्यासाठीची अंतिम मुदत.
मुख्यमंत्री माझी लाडकी बहीण योजनेअंतर्गत ई-केवायसी करण्याची शेवटची तारीख निश्चित करण्यात आली आहे. सप्टेंबर २०२५ पासून या योजनेच्या केवायसी प्रक्रियेला सुरुवात करण्यात आली होती. सुरुवातीला एक महिना पोर्टल काम करत नव्हते, तसेच अतिवृष्टीमुळे राज्यात अनेक दिवस ही प्रक्रिया पूर्ण होऊ शकली नाही. यामुळे अनेक महिलांना केवायसी करता आलेली नाही.
या योजनेची ई-केवायसी करण्याची अंतिम तारीख १८ नोव्हेंबर २०२५ अशी निश्चित करण्यात आली आहे. २८ ऑक्टोबर २०२५ रोजी झालेल्या एका महत्त्वाच्या बैठकीत या तारखेसंदर्भात निर्णय घेण्यात आला. या बैठकीमध्ये महिलांना येणाऱ्या समस्या, पोर्टलवरील तांत्रिक दोष तसेच इतर समस्यांचा आढावा घेण्यात आला.
केवायसी न होण्यामागे अनेक विधवा आणि निराधार महिलांच्या पतीचे किंवा वडिलांचे आधार कार्ड उपलब्ध नसणे, तसेच आधार कार्डवर येणारा ओटीपी (OTP) न मिळणे, अशा तांत्रिक अडचणी होत्या. या समस्यांमुळे महिला मोठ्या प्रमाणात केवायसीपासून वंचित होत्या.
