मछिंद्र बांगर हवामान अंदाज ; महाराष्ट्रात वादळी प्रणालीमुळे

मछिंद्र बांगर हवामान अंदाज ; महाराष्ट्रात वादळी प्रणालीमुळे जोरदार पावसाचा धुमाकूळ.

मछिंद्र बांगर हवामान अंदाज ; हवामान अभ्यासक मच्छींद्र बांगर यांच्या अंदाजानुसार, अरबी समुद्रात विकसित होत असलेल्या वादळी प्रणालीमुळे महाराष्ट्रात २० ते २५ ऑक्टोबर दरम्यान जोरदार पाऊस अपेक्षित आहे.

२० ते २५ ऑक्टोबरचा सविस्तर हवामान अंदाज

२० ऑक्टोबर:.या वादळी प्रणालीचा परिणाम संपूर्ण कोकण, मध्य महाराष्ट्र, पश्चिम महाराष्ट्र आणि मराठवाड्याच्या काही भागांत जाणवेल.

२१ व २२ ऑक्टोबर: मध्य महाराष्ट्र, पश्चिम महाराष्ट्र आणि दक्षिण कोकण या विभागांत पावसाची शक्यता आहे.

२३ ऑक्टोबरपर्यंत: मराठवाडा, पश्चिम महाराष्ट्र, कोकण आणि मध्य महाराष्ट्रात पाऊस कायम राहील.

२४ व २५ ऑक्टोबर: या काळात पावसाचे प्रमाण काहीसे कमी होण्याची शक्यता आहे. मात्र, ही वादळापूर्वीची शांतता असू शकते.

२५ ऑक्टोबरनंतर: पावसाचा जोर पुन्हा वाढेल. यानंतर संपूर्ण पश्चिम महाराष्ट्र, दक्षिण कोकण आणि प्रामुख्याने नाशिक, छत्रपती संभाजीनगर, जालना (दक्षिणी भाग), नांदेड (पश्चिमी भाग), बीड, लातूर, धाराशीव (उस्मानाबाद), सांगली, सातारा, पुणे, अहमदनगर आणि कोकणातील सर्व जिल्ह्यांवर या पावसाचा अधिक प्रभाव राहील, असे बांगर यांनी स्पष्ट केले आहे.

अतिवृष्टीचा धोका: २५ ऑक्टोबरनंतर वातावरण बदलाची चाहूल

२५ ऑक्टोबरनंतर हवामानात मोठे बदल अपेक्षित आहेत. जर बंगालच्या उपसागरातील नवीन प्रणाली महाराष्ट्राच्या दक्षिणी पट्ट्यात पोहोचली, तर दक्षिण मराठवाडा, पश्चिम महाराष्ट्र, दक्षिण कोकण आणि मध्य महाराष्ट्रात मुसळधार पाऊस कोसळेल.

या नवीन प्रणालीला अरबी समुद्रातून बाष्पाचा मोठा पुरवठा होणार असल्याने, संपूर्ण महाराष्ट्रात मोठ्या पावसाचे वातावरण तयार होईल.

२६ ते ३० ऑक्टोबर या काळात अतिवृष्टीची तीव्र शक्यता आहे.

सोलापूर, धाराशीव, लातूर, बीड, अहमदनगर, पुणे (पूर्व भाग), सातारा (पूर्व भाग), सांगली, रत्नागिरी, सिंधुदुर्ग, आणि कोल्हापूर हे जिल्हे अतिवृष्टीचे मुख्य केंद्र असू शकतात, अशी माहिती मच्छींद्र बांगर यांनी दिली आहे.

ईशान्य मान्सूनचा अभूतपूर्व परिणाम

यावर्षी पहिल्यांदाच ईशान्य मान्सूनचा महाराष्ट्रावर इतका मोठा परिणाम पाहायला मिळत आहे. मच्छींद्र बांगर यांच्या मते, हे डिप्रेशन (दाब कमी झालेले क्षेत्र) संपूर्ण वर्षभरातील सर्वात त्रासदायक डिप्रेशन ठरू शकते.

या काळात वाऱ्यांचा वेग ताशी ४० किमी पर्यंत पोहोचलेला असेल आणि पावसाचे प्रमाण लक्षणीयरीत्या अधिक असेल.

अतिवृष्टीमुळे नद्यांना पूर येणे आणि पाणी प्रकल्पातील विसर्ग वाढणे अशा घटना घडू शकतात.

नागरिकांना धोक्याचा इशारा

हा अंदाज पुढील १५ दिवसांसाठी असल्याने, यात बदल होण्याची शक्यता मच्छींद्र बांगर यांनी व्यक्त केली आहे. खबरदारीचा उपाय म्हणून, नदीकाठी राहणाऱ्या लोकांनी तसेच सर्वसामान्य नागरिकांनी सुरक्षित ठिकाणी आसरा घ्यावा आणि आपल्या जनावरांनाही सुरक्षित ठेवावे, असा सल्ला बांगर यांनी दिला आहे.

ताज्या बातम्या

बंगालच्या उपसागरात पुन्हा एक प्रणाली विकसित महाराष्ट्रात काय परिणाम मच्छींद्र बांगर हवामान अभ्यास