पुढील २४ तासांतील पावसाचा सविस्तर अंदाज.

मुसळधार पावसाची शक्यता:

पुढील २४ तासांत रत्नागिरी (लांजा, देवगड), सिंधुदुर्ग (कुडाळ, सावंतवाडी, वैभववाडी), कोल्हापूर (आजरा, चंदगड, शाहूवाडी) आणि सांगली (शिराळा, वाळवा) तसेच मिरज, कराड, पाटण या तालुक्यांमध्ये मेघगर्जनेसह मुसळधार पावसाचा अंदाज आहे.

मध्यम ते जोरदार पावसाची शक्यता:

रायगड, पुणे, अहमदनगरचा दक्षिण भाग, बीड, धाराशिव, सोलापूर आणि लातूरचा पश्चिम भाग या जिल्ह्यांमध्ये मध्यम ते जोरदार सरींची शक्यता आहे.

हलक्या ते मध्यम पावसाची शक्यता:

ठाणे, पालघर, मुंबई, नाशिक, छत्रपती संभाजीनगर, जालना, परभणी, हिंगोली, नांदेड, यवतमाळ, चंद्रपूर आणि गडचिरोलीचा दक्षिण भाग या जिल्ह्यांमध्ये विखुरलेल्या स्वरूपात हलक्या ते मध्यम पावसाच्या सरी बरसतील.

कोरडे हवामान आणि शेतकऱ्यांसाठी सूचना

नंदुरबार, धुळे, जळगाव, बुलढाणा, अकोला, वाशिम, अमरावती, नागपूर, वर्धा, भंडारा आणि गोंदिया या जिल्ह्यांत प्रामुख्याने हवामान कोरडे राहण्याची शक्यता आहे. काही ठिकाणी केवळ स्थानिक ढगनिर्मिती झाल्यास तुरळक पाऊस होऊ शकतो.

पुढील काही दिवस राज्यात पावसाचे वातावरण राहणार असल्याने, शेतकऱ्यांनी खरीप पिकांच्या काढणीचे आणि रब्बीच्या पेरणीचे नियोजन हवामानाचा अंदाज घेऊनच करावे, असे आवाहन करण्यात आले आहे.