डॉ. मच्छिंद्र बांगर यांचा संपूर्ण थंडीचा आणि रब्बी पेरणीचा अंदाज.
डॉ. मच्छिंद्र बांगर यांनी या व्हिडिओमध्ये दिवाळीच्या शुभेछा देऊन, अतिवृष्टी आणि मालाला मिळणाऱ्या कवडीमोल भावामुळे शेतकरी त्रस्त असल्याचे नमूद केले आहे. हवामान अंदाजाच्या माध्यमातून शेतकऱ्याला योग्य वेळी योग्य निर्णय घेण्यासाठी मदत करणे हा त्यांचा मुख्य उद्देश आहे. नैर्ऋत्य मान्सून १६ ऑक्टोबरला संपला असून, आता उर्वरित ऑक्टोबर आणि नोव्हेंबर महिन्यातील हवामान परिस्थिती समजून घेणे आवश्यक आहे.
ऑक्टोबर आणि नोव्हेंबरमधील पावसाचा अंदाज:
ऑक्टोबर महिना हा दरवर्षी वादळांचा महिना म्हणून ओळखला जातो आणि त्याचा प्रभाव नोव्हेंबरच्या पहिल्या आठवड्यापर्यंत असतो. या कालावधीत बंगालच्या उपसागरात एकमागून एक कमी दाब क्षेत्रे आणि वादळे सक्रिय होत आहेत, ज्यामुळे महाराष्ट्रावर पुन्हा एकदा बंगालच्या उपसागरातील एखादी वादळी सिस्टीम येण्याची शक्यता आहे. ऑक्टोबरचा उर्वरित कालावधी आणि नोव्हेंबरचा पहिला आठवडा पावसाळी असू शकतो. आजपासून (१९ ऑक्टोबर) पूर्व मराठवाडा, विदर्भ आणि दक्षिण-पश्चिम महाराष्ट्रात पावसाचे प्रमाण वाढायला सुरुवात होईल. ही वादळी सिस्टीम महाराष्ट्रावर आल्यास पुन्हा एकदा मोठा पाऊस होण्याची शक्यता आहे.
थंडीच्या आगमनाची आणि तीव्रतेची माहिती:
डॉ. बांगर यांनी थंडीबद्दल महत्त्वपूर्ण अंदाज दिला आहे. जोपर्यंत उत्तर भारतात ‘वेस्टर्न डिस्टर्बन्स’ (Western Disturbance – WD) सक्रिय होत नाही आणि हिमालयाकडून कोरडे वारे वाहत नाहीत, तोपर्यंत थंडीची सुरुवात होणार नाही. नोव्हेंबरच्या पहिल्या आठवड्यानंतर, म्हणजेच नोव्हेंबरच्या दुसऱ्या आठवड्यापासून महाराष्ट्रात थंडीची जाणीव व्हायला सुरुवात होईल. या थंडीची तीव्रता हळूहळू वाढेल आणि ती डिसेंबर, जानेवारी, तसेच २१ फेब्रुवारीपर्यंत चांगल्या पद्धतीने जाणवेल. विशेष म्हणजे, यंदा ‘ला निना’ (La Niña) कंडिशन सक्रिय होत असल्यामुळे, शेतकऱ्यांना गेल्या १०० वर्षांत न अनुभवलेली थंडी (थोड्या कमी कालावधीसाठी का होईना) अनुभवता येईल.
